يا فتاح ياعليم يارزاق يا كريم ...خير منو يدك الباب، جاك ..جاك, ها خير أبو حسين شبيك من الصبح مغبش هسه جايجي الوزارة بعدة ممفتح.
: أي خوش حجايه الوزارة.
: يا وزارة وشبيك من الصباحيات اعتقلولكم أحد؟
: لا لا، بس البارحة مكدرت أنام.
: خير مريض أوديك للمستشفى.
: صدك هي على ياوزارة؟
: شبيك أبو حسين، من الصباحيات؟ خاف مصخن؟
: لابس البارحة شفت عل التلفزيون، تقرير على وزارات اليابان، شو شغلهم يختلف.
: ضحكتني، بابا اليابان بغير كوكب.
: شلون، لالا بهلول لاتشاقه وياي، التبليط شنو المجاري تفوت بيهن لوريات، ومرمر مطبكات حتى أحسن من بيت، المدير مالتنة.
: أبو حسين هاي بغير كوكب.
: زين فهمني وزاراتنا شنو شغلهن.
: ولو بعده النومة بعيني، بس على حد علمي.
: الدفاع: عشر سنيين يقبضون على الإرهاب وكلشي متغير.
: الداخلية: تطيك شكد عدد الشهداء والجرحى.
: وزارة الصناعة: تستورد وايرات للمولدات.
التربية: يسوون دور ثالث، وية التعليم يفتحون كليات أهلية.
: بهلول، بهلول ومجلس النواب شنو شغلتهم؟
: هاي سهلة: يتعاركون ويتكافشون.
: هسه أفتهمت شغلهم وليش هيج حالنا.
بهلول الحكيم
